盧押道唐樓後梯救出被棄金毛尋回犬
日期： 2026-05-28 20:23:00
作者： 阿燕
瀏覽： 966
有人喺盧押道一幢唐樓嘅後樓梯發現一隻成身污糟嘅金毛尋回犬，瑟縮喺角落，眼神好驚。
我同博仔去到，見到隻狗成身毛打晒結，沾滿泥同唔知咩污漬，瘦到肋骨突出嚟，頸有條生晒鏽嘅鐵鏈拖住。
佢初時見到我哋好驚，想走但冇力。
我坐低慢慢同佢講嘢，用零食一粒粒丟近佢，佢猶豫咗好耐先肯食第一粒。
食完之後佢突然行過嚟，將個頭放喺我大脾上面，好似好攰咁閤埋眼。
我同博仔都眼濕濕。
帶返去沖涼檢查，發現佢身上有好多舊傷痕，估計係長期被困或者俾人虐待過。
佢而家叫「盧金」，好乖好痴人，成日跟出跟入。
金毛犬係好善良嘅品種，點解有人可以咁對佢哋？
我哋一定會幫佢搵個真正愛佢嘅屋企。
95035320